SSL sertifikatı nədir?
SSL (Secure Sockets Layer) — saytınız ilə ziyarətçinin brauzeri arasındakı əlaqəni şifrələyən texnologiyadır. SSL quraşdırılmış saytlar HTTPS protokolu ilə işləyir və brauzerin ünvan çubuğunda kilit işarəsi görünür.
SSL niyə vacibdir?
1. Google sıralaması
2014-cü ildən Google SSL sertifikatını sıralama faktoru kimi qəbul edir. HTTPS saytlar, HTTP saytlara nisbətən daha yüksək sıralanır. SSL olmayan saytlar Google axtarışında aşağı düşür.
2. Brauzerin xəbərdarlığı
Chrome, Firefox kimi müasir brauzerler SSL olmayan saytları "Təhlükəsiz deyil" kimi işarələyir. Bu xəbərdarlıq ziyarətçiləri saytı tərk etməyə məcbur edir.
3. Məlumat təhlükəsizliyi
SSL olmadan saytınıza daxil edilən şifrələr, kart məlumatları və şəxsi məlumatlar şifrələnmədən ötürülür. Hacker-lər bu məlumatları asanlıqla əldə edə bilər.
4. Ziyarətçi etimadı
Kilit işarəsi ziyarətçilərə saytın etibarlı olduğunu bildirir. E-ticarət saytları üçün bu xüsusilə vacibdir.
SSL növləri
- DV SSL (Domain Validation) — ən sadə, yalnız domen yoxlanır. Bloglar, şəxsi saytlar üçün.
- OV SSL (Organization Validation) — şirkət məlumatları da yoxlanır. Korporativ saytlar üçün.
- EV SSL (Extended Validation) — ən yüksək güvən səviyyəsi. Banklar, böyük e-ticarət üçün.
- Wildcard SSL — ana domen + bütün alt domenləri əhatə edir.
Pulsuz SSL — Let's Encrypt
Let's Encrypt — qeyri-kommersiya sertifikat orqanıdır. Pulsuz DV SSL sertifikatları verir. Azhosting.az-da bütün hosting paketlərindəkilərə Let's Encrypt SSL pulsuz daxildir. DirectAdmin panelindən bir kliklə aktiv edə bilərsiniz.
SSL necə quraşdırılır?
Azhosting.az hostingindən istifadə edirsinizsə:
- DirectAdmin panelindən "SSL Certificates" bölməsinə keçin
- "Let's Encrypt" seçin
- "Save" düyməsini basın
- SSL 1-2 dəqiqə ərzində aktivləşir
Hər hansı sualınız varsa, 24/7 dəstək xidmətimizlə əlaqə saxlayın.